പ്രണയം ചോദിച്ചു നീ അരുകില് വരിക;
വാക്കുകള് പകരം നിനക്ക് ഞാന് തരാം.
പണയം വെച്ച് തിരിചെടുക്കാനാകാത്ത-
പണ്ടം പോല് വാക്കുകള് എന്നില്
പലിശയായി കുന്നുകൂടി കിടക്കുന്നു.
നീ വരിക അരികത്തായിരിക്കുക
ഇമ ചിമ്മതെന്നെ നോക്കുക
നിന്നെ തിരഞ്ഞു കഴപ്പിനാല് കണ്ണു-
നിസ്ച്ചലനാകാന് എന്നെ കൊതിക്കുന്നു.
പറയുവാന് ഇന്ന് മൌനം മാത്രമെന്കിലും
വാക്കുകള്ക്ക് ഉള്ളില് കിലുക്കമാണ്...
ഹൃദയം തോടികൊട്ടലിലുമാണ്...
തരുവാന് ഇന്ന് കണ്ണുനീര് മാത്രമെന്കിലും
ഉള്ളില് ചിരിയുടെ പോന്കുടുക്ക
നിനക്കായ് നിറഞ്ഞുകൊണ്ടിരിക്കുന്നു...
എന്റെ മൌനത്തെ നിനക്കു മുറിക്കാം
അതിനായ് നീയെന്നോട് കലഹിക്കുക
ഹൃദയം മുറിഞ്ഞു വാക്കുകള് ചോര്ന്ന്
വേദന വടുവായി എന്നിലുറയട്ടെ;
ഞാനതില് പ്രണയം നടും, നനയ്ക്കും...
നീ നിത്യമായെന്നില് പൂവാടിയാകും;
ഞാന് തോട്ടക്കാരനായി കാവലാകും......
